Ապրիլի 13-ին գրադարանի խմբակի հերթական ընթերցանության ժամն էր:Ընթերցանության նյութը Ակսել Բակունցի<<Ալպիական մանուշակը>>պատմվածքն էր:Մասնակիցները 7-10-րդ դասարանի աշակերտներն էին:Պատմվածքը կարդացին 3 մասով:Յուրաքանչյուր հատվածը կասրդալուց հետո խումբը քննարկում էր, վերլուծում, բնութագրում հերոսներին:Պատմվածքը նուրբ ու քնարական մի ստեղծագործություն է գեղեցիկի և իրականության մասին:Իրար հակադրվում են նկարչի,հնագետի և հնձվորի կերպարները:Նկարչի համար կյանքը գեղեցիկ է:<<Ծաղկափոշու մեջ թաթախված գունավոր բզեզին մանուշակը ճոճք էր թվում, աշխարհը՝ ծիրանագույն բուրաստան>>պատկերը օգտագործվում է մեկ սկզբում , մեկ էլ պատմվածքի վերջում,որը խորհրդանշում է կյանքի գեղեցկությունը,բայց հակադրվում է կոպիտ իրականության հետ : Հնագետը կորուսյալ պատմության ու ժամանակի կրողն էր: Կաքավաբերդի ավերված հնօրյա գեղեցկությունների կողքին ապրում է մի կին,որը անպաշտպան գեղեցկություն էր,ինչպես լեռնային հրաշք ծաղիկը ալպիական մանուշակը, որը կարող են նաև տրորել: Մասնակիցները նշեցին հերոսների միջև եղած հակադրությունները:Հակադրություններ են նաև ճոճքի մեջ օրորվող բզեզի և կնոջ թիկունքին իջնող մահակի հարվածի պատկերը:Ա.Բակունցի այս պատմվածքը հետաքրքրություն առաջացրեց նրանց մոտ և նրանք առաջարկեցին ընթերցել նույն հեղինակի ուրիշ պատմվածքներ:
Комментарии
Отправить комментарий