Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի օրհնությամբ և տնօրինությամբ, Կրթության ու գիտության նախարար տիար Արմեն Աշոտյանի արտոնությամբ և աջակցությամբ Մայր Աթոռ Սուրբ Էջմիածնի Քրիստոնեական դաստիարակության կենտրոնը նախաձեռնել է <<Ավետարանական առակները հայ դպրոցում>> հանրապետական մրցույթը:
Ծրագրի նպատակն է ՀՀ հանրակրթական դպրոցների աշակերտներին հաղորդ դարձնել
Սուրբ Գրային ճշմարտությունների՝ Ավետարանական առակների բեմականացման միջոցով:
Նոյեմբերի 24-ին 198 ավագ դպրոցի աշակերտները պատրաստել էին գեղեցիկ ներկայացում
<<Առակները ուսուցանում են>> թեմայով: Միջոցառման կազմակերպիչներն էին հայոց լեզվի և գրականության ուսուցչուհի Վ. Հարությունյանը և ՀԵՊ ուսուցչուհի Կ. Մխիթարյանը:
Միջոցառմանը ներկա էին ՔԴԿ աշխատակիցներ,Հայաստանյայց Առաքելական Սուրբ Եկեղեցու Նոր Նորքի Սուրբ Սարգիս Եկեղեցու հոգևոր հովիվ Տեր Նորայրը,ուսուցիչներ ,ծնողներ և աշակերտներ: Տեր Նորայրը օրհնեց մասնակիցներին և միջոցառումն սկսվեց Տերունական աղոթքով: Ներկայացվեց Ավետարանական հինգ առակ,որոնք ուղեկցվում էին տեսաֆիլմերով և երաժշտությամբ: Աշակերտները զրույցի միջոցով մեկնում էին առակները:
Հնչեցին <<Ով պարտիզպան>> և <<Քրիստոս ի մեջ մեր հայտնեցավ>> հոգևոր երգերը մասնակիցների կատարմամբ:
Комментарии
Отправить комментарий