Ասմունքի մրցույթ-փառատոն

          Ասմունքի հանրապետական մանկապատանեկան  8-րդ մրցույթ-փառատոն

   ՀՀ վարչապետ Հովիկ Աբրահամյանի հովանու ներքո անցկացվում է ասմունքի մրցույթ-փառատոն,որը նվիրվում է հայ մեծ բանաստեղծներ Հովհաննես Թումանյանի և Ավետիք  Իսահակյանի հոբելյաններին: Փառատոնը անցկացվում է Հայաստանի բոլոր մարզերում, Երևանում,Արցախում,Վրաստանում և Ջավախքում: Փառատոնը անցկացվում է 3 փուլով:
Ասմունքի փառատոնին մասնակցում են  նաև 198 ավագ դպրոցի աշակերտները: Առաջին փուլում ,որը անցկացվեց դպրոցում, ժյուրին ընտրեց 4 մասնակից,որոնք պետք է մասնակցեին մարզային փուլին: Այդ փուլի հաղթողներն էին 12-րդ դասարանի աշակերտուհի
 Արուսյակը,11-րդ դասարանի աշակերտներ Էդգարը և Ստելան, 8-րդ դասարանի աշակերտուհի Հելենը: Նրանք իրավունք ստացան մասնակցելու քաղաքային փուլին:
       Նոյեմբերի 5-ին Ավետիք Իսահակյանի անվան կենտրոնական գրադարանում անցկացվեց  փառատոնի 3-րդ փուլը: Ժյուրիի անդամներն էին  Ռ.Դավոյանը, Ս. Նաջարյանը,Ջ. Բաբայանը,Էլ.Շահիրյանը, Կ. Վարդանյանը,Լ. Ղամբարյանը, Ս. Մուրադյանը:  Փառատոնի
ծրագրի հեղինակն ու պատասխանատու քարտուղարն էր Մարիետա Մակարյանը:  Նրանք լսում էին արդեն ընտրված լավագույն ասմունքողներին: Այդ փուլում գեղեցիկ ասմունքով հանդես եկան  մեր դպրոցի աշակերտները:
          Փառատոնի նպատակն է փորձել երիտասարդ սերնդի ուշադրությունը կրկին բևեռել հայ անաղարտ գրականությանն ու պոեզիային, վեր հանել ասմունքի հարուստ ավանդույթները: