Ամանորը դպրոցում


Արի՜, Նո՝ր Տարի, գալուստդ բարի՜

Այսօր դպրոցում տոնական տրամադրություն էր: Աշակերտները զարդարված տոնածառի շուրջ կազմակերպել էին Ամանորյա հանդես: Հանդեսին մասնակցում էին 10-11- րդ դասարանի աշակերտները: Հնչեցին բանաստեղծություններ և երգեր Ամանորի մասին: Աշակերտները ողջունեցին և շնորհավորեցին ներկաներին ամանորյա երգերով ու պարերով:


                                  ***
Արի՜, Նո՛ր Տարի,
Գալուստդ բարի՜,
Եվ արթնացրո՛ւ քո թնդուն քայլով
Ուշ մնացածին,
Քնով տարվածին.
Տո՛ւր ապաքինում հոգով ցավածին,
Հիասթափվածին՝ նոր մի հիացում,
Սիրասթափվածին՝ մի նոր միացում.
Ձեռքից հավատը փախուստ տվածին,
Իբրև Նոր Տարվա բաղձալի նվեր,
Տո՛ւր նոր հավատի կապակուռ թևեր,
                                                                              
                                           ***
                           Թե աշխարհում փակ դռներ կան,
                         թող որ բացվեն այս գիշեր,
                        Ու Նոր տարին նոր խնդությամբ
                        թող ներս մտնի այս գիշեր,
                        Թե կան դատարկ, համր տներ`
                        մանկան ճիչով թող լցվեն,
                        Ով փնտրում է սրտանց մեկին`
                        հանկարծ գտնի այս գիշեր:
                        Թե կան լացող, տխուր աչքեր,
                        թող ծիծաղեն այս գիշեր
                        Կանչող ձեռքերն իրար հասնեն,
                       հրաշք ապրեն այս գիշեր:







Комментарии