Ստուգարքի հարցաշար երկրաչափություն 10, 11

Ստուգարք 10-րդ դասարան 1-ին քառորդ (2013-2014)

Երկրաչափություն

1.      Որ ուղիղներն են կոչվում զուգահեռ:

2.      Որ ուղիղներն են կոչվում խաչվող:

3.      Ուղղի և հարթության զուգահեռության հայտանիշը:

4.      Զուգահեռ հարթությունների հայտանիշը:

5.      Արդյոք ճշմարիտ է, եթե երկու ուղիղներ չունեն ընդհանուր կետեր, ապա նրանք զուգահեռ են:

6.      M կետն ընկած չէ a ուղղի վրա: Քանի ուղիղ կա, որ չի հատում a ուղղին և անցնում է M կետով:

7.      a ուղիղը զուգահեռ է հարթությանը: Ճշմարիտ է արդյոք, որ այդ ուղիղը չի հատում հարթության մեջ ընկած ոչ մի ուղղի:

8.      a ուղիղը զուգահեռ է հարթությանը: Ճշմարիտ է արդյոք, որ այդ ուղիղը զուգահեռ է հարթության մեջ ընկած ցանկացած ուղղի:

9.      a ուղիղը զուգահեռ է հարթությանը: Ճշմարիտ է արդյոք, որ այդ ուղիղը զուգահեռ է հարթության մեջ ընկած որևէ ուղղի:

10.  Երկու զուգահեռ ուղիղներից մեկը զուգահեռ է ինչ-որ հարթության: Արդյոք ճշմարիտ է այն պնդումը, որ այդ հարթությանը զուգահեռ է նաև երկրորդ ուղիղը:

11.   Արդյոք ճշմարիտ է այն պնդումը, որ եթե 2 ուղիղներ զուգահեռ են ինչ-որ հարթության, ապա դրանք միմյանց զուգահեռ են:

12.  Երկու ուղիղներ զուգահեռ են ինչ-որ հարթության: Այդ ուղիղները արդյոք կարող են հատվել:

13.  Երկու ուղիղներ զուգահեռ են ինչ-որ հարթության: Այդ ուղիղները արդյոք կարող են լինել խաչվող:

14.  Կարող են արդյոք a և b խաչվող ուղիղները զուգահեռ լինեն c ուղղին

15.  Սեղանի սրունքները զուգահեռ են հարթությանը: Արդյոք զուգահեռ են հարթությունը և սեղանի հարթությունը:

16.  Զուգահեռագծի երկու կողմերը զուգահեռ են հարթությանը: Արդյոք զուգահեռ են հարթությունը և զուգահեռագծի հարթությունը:

17.  Ինչպիսի բազմանկյուններ կարող են լինել քառանիստի հատույթները:

18.  Ինչպիսի բազմանկյուններ կարող են լինել խորանարդի հատույթները:

19.  Ուղիղը հատում է հարթությունը: Հարթության մեջ կա արդյոք թեկուզ մեկ ուղիղ, որը զուգահեռ է այդ ուղղին:

20.  Արդյոք ճշմարիտ է. ցանկացած երեք կետեր գտնվում են մի հարթության մեջ:

21.  Արդյոք ճշմարիտ է. ցանկացած չորս կետեր գտնվում են մի հարթության մեջ:

22.  Արդյոք ճշմարիտ է. ցանկացած չորս կետեր չեն գտնվում մի հարթության մեջ:

23.  Արդյոք ճշմարիտ է. ցանկացած երեք կետերով անցնում է հարթություն, ընդ որում միայն մեկը:

24.  A, B, C, D կետերն ընկած չեն մի հարթության մեջ: Արդյոք հատվում են A, B, C կետերով և A, B,  D կետերով անցնող հարթությունները:

25.  Արդյոք կարող են երկու հարթություններն ունենալ միայն  մեկ ընդհանուր կետ:

26.  Անվանեք ABCD քառանիստի բոլոր խաչվող կողերի զույգերը:

Ստուգարք 11-րդ դասարան 1-ին քառորդ (2013-2014)

Երկրաչափություն

1.      Գլանի կողմնային մակերևույթի մակերեսի բանաձևը

2.      Գլանի հիմքի  մակերեսի բանաձևը

3.      Գլանի լրիվ մակերևույթի մակերեսի բանաձևը

4.      Ինչ պատկեր է գլանի հատույթն այն հարթությամբ, որը զուգահեռ է գլանի ծնորդին

5.      Ինչի է հավասար գլանի հիմքի հարթության և գլանի ծնորդով անցնող հարթության կազմած անկյունը

6.      Ինչ պատկեր է գլանի հատույթն այն հարթությամբ, որը զուգահեռ է գլանի հիմքին

7.      Ինչ պատկեր է գլանի հատույթն այն հարթությամբ, որը զուգահեռ է գլանի առանցքին

8.      Ինչ պատկեր է գլանի առանցքային հատույթը:

9.      Գլանի առանցքային հատույթը կարող է արդյոք լինել քառակուսի:

10.  Ինչ պատկեր է գլանի կողմնային մակերևույթի փռվածքը:

11.  Կոնի կողմնային մակերևույթի մակերեսի բանաձևը:

12.  Կոնի լրիվ մակերևույթի մակերեսի բանաձևը:

13.  Ինչ պատկեր է կոնի հատույթն այն հարթությամբ, որը զուգահեռ է կոնի հիմքին

14.  Ինչ պատկեր է կոնի հատույթն այն հարթությամբ, որն անցնում է կոնի գագաթով:

15.  Միմյանց հավասար են արդյոք այն անկյունները, որոնք կոնի ծնորդները կազմում են հիմքի հարթության հետ:

16.  Ինչ պատկեր է կոնի կողմնային մակերևույթի փռվածքը:

17.  Ինչ պատկեր է հատած կոնի առանցքային հատույթը:

18.  Հատած կոնի կողմնային մակերևույթի մակերեսի բանաձևը

19.  Հատած կոնի լրիվ մակերևույթի մակերեսի բանաձևը:

20.  Գլանի շառավիղը հավասար է 8-ի, բարձրությունը` 10-ի: Գտնել լրիվ մակերևույթի մակերեսը:

21.  Գլանի շառավիղը հավասար է 8-ի, բարձրությունը` 10-ի: Գտնել առանցքային հատույթի  մակերեսը:

22.  Կոնի ծնորդը հավասար է 10-ի, բարձրությունը `8-ի: Գտնել շառավիղը:

23.  Կոնի ծնորդը հավասար է 10-ի, բարձրությունը `8-ի: Գտնել առանցքային հատույթի մակերեսը:

24.  Կոնի ծնորդը հավասար է 10-ի, բարձրությունը `8-ի: Գտնել կողմնային մակերևույթի մակերեսը: