ԳՐԱԴԱՐԱՆ

Գարնանային հիասքանչ օր էր, ստեղծագործող աշակերտները գրադարանում կարդացին իրենց ստեղծագործությունները`նվիրված մորը, գարնան զարթոնքին և որոշեցին ամեն ուր-

բաթ օր`ընթերցել իրենց և դասական գրողների ստեղծագործությունները, ծանոթանալ ժամանակակից հայ, համաշխարհային գրողների գործերին, արվեստի նորություններին:

                           Գ.Լ.

2.Գրադարանավար Կ. Մխիթարյանը հերթական պարապմունքն էր անցկացնում ընթերցասերների հետ,որոնք երկար տարիներ գրադարանի լավագույն բարեկամներն են:

Դպրոցի տնօրեն Ա. Թորոսյանը հանդիպեց նրանց, լսեց կարծիքներ, խորհուրդներ տվեց,

հաճախակի այցելել գրադարան, ծանոթանալ նորություններին, մասնակցել ընթերցումներին

և քննարկումներին. Չէ որ գիրքն է իմաստության աղբյուրը, որը ոչնչով չի կարելի փոխարինել:

              Զ. Մելիքսեթյան

    ՄԵՐ  ԱՌՕՐՅԱՆ

Ապրիլի 12` Տիեզերագնացության օր: Ռուսաց  լեզվի  մմ  /Կ. Դավթյան/  անցկացրեց ցերեկույթ: Երաժշտության հնչյունների  տակ լսվեց մի դյութիչ ձայն` մարդն առաջին անգամ թռավ տիեզերք…

Պատերին աշակերտների  ձեռքով արված նկարներ էին, տեղեկություններ տիեզերագնացության մասին:

    Միջոցառումը կազմակերպված էր բարձր մակարդակով, երեխաները աշխատում էին խմբերով:

Նույն օրը  հետաքրքիր միջոցառում անցկացրին  Ռ. Բաբայանը և Մ. Մեսրոպյանը:

Հաջորդ օրը բաց դաս անցկացրեց  Մ. Վալտերովնան:

  Ապրիլի 20-ին հ. 17  դպրոցում  ,, Համայնքային գործողության  ծրագրի ,, շրջանակներում

անցկացվեց  բարձրաձայն ընթերցանություն, որի թեման  Ա. Էքզյուպերիի  ,,Փոքրիկ իշխանը,,

հեքիաթն էր: Մասնակցեցին 198 և 17 դպրոցների  35 աշակերտ:

   Հեքիաթից  ընթերցվեց երեք հատված, բեմադրվեց    դրվագներ և փոքրիկ Նարեն երգեց  ,,Փոքրիկ  իշխանը,, երգը: Մասնակիցները խմբերով կատարեցին քառաբաժին աշխատանք,

որտեղ պարզ երևաց թեմայի յուրացումը և ինքնուրույն մտածողությունը:

Գրադարանում անցկացվում են նաև  ծրագրային դասաժամեր, որոնք ուղեկցվում են տեսաֆիլմերով`պատրաստված աշակերտների օգնությամբ:Նախագծային մեթոդով դասեր

 ենք անցկացնում նաև մյուս առարկաներից:Վերջերս  անգլերենի դասաժամին ուսումնասիրեցինք հայ և անգլիացի հայտնի նկարիչների  գործերը, հանրահայտ բանաստեղծ և դրամատուրգ` Վ. Շեքսպիրի կյանքը, ստեղծագործությունները:

Դասն ավելի  հետաքրքիր  դարձնելու համար`ուսուցչի աջակցությամբ  ռեսուրս  կենտրոնում

դիտեցինք  մեր և այլ աշակերտների պատրաստած հետաքրքրաշարժ ֆիլմերը, որը մեզ հնա-

րավորություն  տվեց ավելի լավ ծանոթանալ նրանց  գործերին, կյանքին, ստեղծագործություններին, հատկապես հայտնի նկարիչների հիասքանչ նկարներին: Համացանցը մեզ շատ է օգնում` հարստացնել  մեր իմացության աղբյուրը:

             10-3 դասարանցիներ

ՊԱՏԱՆԻ  ՍՏԵՂԾԱԳՈՐԾՈՂՆԵՐ

Հայոց տառեր

                                                         
Հայոց տառեր, հայ գրեր,                                    

 Դուք ապրել եք դարեդար,                    

Մի հզոր շունչ եք տվել

Մեր մայր լեզվին հարազատ:

Հայոց տառեր, հայ գրեր,

Որ տվել եք դարեդար,

Միշտ կանգուն եք մնացել,

Մեր թիկունքին անսասան…

     9-2 Քալաջյան Սուսաննա

                                                                                

 Ցավագար Արաքս

Արաքս գետի ջրերը                                        

Հիշեցնում են Եղեռնը,

Անմեղ զոհերի մրմունջը

Խառնվել է ջրերին:

Վշտամորմոք,

Լուռ հոսում ես`

Մրմնջալով

Հայի ողբը:

Արաքս, վերքդ`

Հայի վերքը,

Մինչև ու՞ր ես

Դու տանելու…
9-2 Մանուչարյան Ասթինե

  


ՆՈՐՈՒԹՅՈՒՆՆԵՐ

1.ԵՊՀ-ում  ցեղասպանության մասին  2010թ. լույս է տեսել 11 անուն գիրք:

2.Մանկագիր Ս. Մուրադյանը 2010թ. Թեքեյան մրցանակաբաշխության դափնեկիր է:

3.Լույս է տեսնելու  Հ. Մաթևոսյանի   ,,Երեխաները,, պատմվածքը:

     ՍԻՐԵԼԻ  ԱՇԱԿԵՐՏՆԵՐ,  ՈՒՍՈՒՑԻՉՆԵՐ

Հաճախակի այցելեք գրադարան, ռեսուրս կենտրոն, տեղեկացեք նորին ու առաջավորին.

գիրքը դարձրեք Ձեր ամենալավ բարեկամը,համագործակցեք մեզ հետ…

                           ԳՐԱԴԱՐԱՆ