Գրադարանի թերթ2.

ԳՐԱԴԱՐԱՆԻ ԹԵՐԹ-2-րդ

Ապրիլի 30-ին գրադարանում տեղի ունեցավ գրական – երաժշտական ցերեկույթ` նվիրված Վ. Տերյանի գարնան և սիրո երգերին: Մասնակիցները 7-10-րդ դասարանի աշակերտներն էին:

Համառոտ ներկայացվեց Վ. Տերյանի կյանքն ու ստեղծագործությունները:Էկրանին իրար հաջորդում  էին Տերյանի և հարազատների դիմանկարները:Ա.Բաբաջանյանի և Տ. Մանսուրյանի երաժշտության հնչյունների տակ արտասանում էին Տերյանի բանաստեղծությունները: Սեդայի կատարմամբ հնչեց Տերյանի խոսքերով գրված երգեր:

Ապրիլից սկսած գրադարանի խմբակի երեք անդամ Լ. Հակոբյանը, Լ. Սարգսյանը և Նաիրան

Սկսել են գրքերի վերանորոգման աշխատանքները: Նրանք առանձնացրել են մաշված գրքերը և վերանորոգել քսանից ավելի գիրք:

Եվրոպական ակումբի  կամավորական խմբի տաս անդամներ դարձել են գրադարանի բարեկամները: Նրանք հաճախակի այցելում են գրադարան և օգնում գրադարանավարին:

Նրանք համարվում են պատանի գրադարանավարներ և մեծ սիրով  կատարում են ստանձնված առաջադրանքները:

*

Մայիս ամսին շարունակվու մ է բարձրաձայն ընթերցանության դասերը: Ընթերցվել է Ստ.

Զորյանի  << Ջրհորի մոտ>> պատնվածքը, Հ, Թումանյանի << Բարեկենդանը>>,Ա. Համբարյանի  <<Մարդանոց>> պատմվածքը:

*

Մայիսի 7-ին, Երևանի թիվ 8  հատուկ  դպրոցում կազմակերպվել էր 2010-2011 ուստարվա

,,Համայնքային համագործակցություն>> ծրագրի շրջանակներում  իրականացված  աշխատանքների հաշվետվության շնորհանդեսը: Մասնակից դպրոցների աշակերտների հետ անցկացվեց բարձրաձայն ընթերցանություն` Ահարոնյանի << Մենավոր ծառը>> և Վ.

Խեչումյանի <<Գլուխգործոցը>>: Կատարվեց խմբային և քառաբաժան աշխատանք:

Աշակերտները ներկայացնում էին իրենց աշխատանքները և մեկնաբանում: Համատեղ , աշխատանքի շնորհիվ աշակերտները շփվեցին միմյանց հետ, մտերմացան, մտքեր փոխանակեցին  և հայտնեցին իրենց կարծիքները:

*

Մայիսի 13-ին կազմակերպվեց հանդիպում  գրողներ Ա. Ավագյանի և Ա. Համբարյանի հետ:

Աշակերտները կարդացին նրանց ստեղծագործություններից , փոքրիկ Նարեն երգով ողջունեց հյուրերին:

Ա. Ավագյանը ներկայացրեց իր նոր ստեղծագործությունները, հորդորեց շատ կարդալ, իրազեկ լինել նորին ու առաջավորին:

հանդիպումն անցավ ջերմ մթնոլորտում:

Մայիս ամսվա լավագույն ընթերցողներ են ճանաչվել 10-1 դասարանի աշակերտուհի Արփինե Սարգսյանը և 11-4 դասարանի աշակերտուհի Մելինե Հակոբյանը: