Հունվարի 27-ին դպրոցի գրադարանում տեղի ունեցավ <<Բարձրաձայն ընթերցանության>> ժամ: Ընթերցանության նյութը Խաչատուր Աբովյանի <<Առաջին սեր>> պատմվածքն էր: Ընտրված էր պատմվածքից 3 հատված: Ընթերցանությունը վարում էին 10-րդ դասարանի աշակերտներ Լուսինեն, Արեգնազը, Մարտինը: Մասնակիցները 10-րդ դասարանի աշակերտներն էին: Ընթերցանությունից հետո խմբերում աշակերտները նորից կարդում էին ընտրված հատվածները, քննարկում էին, փոխանակում մտքեր : Հաշվի առնելով բոլորի արտահայտած կարծիքները՝ երեխաները գալիս էին փոխադարձ համաձայնության և խմբի ձևավորած կարծիքը ներկայացնում բարձրաձայն: Աշակերտները լրացուցիչ տեղեկություններ տվեցին Վարդավառի տոնի մասին, ինչով և սկսվում էր պատմվածքը: Երեխաները կարողանում էին գրագետ արտահայտել իրենց կարծիքները սիրո կործանման պատճառների վերաբերյալ, տարբեր տեսակետներից գնահատելով գլխավոր հերոսների՝ Վանիի և Փարիխանի անմուրազ սիրո ողբերգական ճակատագիրը: Քննարկումը հանգեցրեց նրան, որ աշակերտները նորից անդրաձարձան Խ. Աբովյանի ապրած ժամանակաշրջանին և մեկնաբանեցին Աբովյանի աշխարհայացքը՝ վերլուծելով նրա ստեղծագործությունների գաղափարական բովանդակությունը: Դասի վերջում աշակերտները դիտեցին Power Point ծրագրով պատրաստված աշխատանքը՝ նվիրված Խ. Աբովյանին:
Комментарии
Отправить комментарий