Մ.Գալշոյան << Օրն ավետյաց >>

     Փետրվարի 24-ին անցկացվեց << Բարձրաձայն ընթերցանության >> հերթական  դասաժամը: Թեման Մ. Գալշոյանի << Օրն ավետյաց >> պատմվածքն էր: Նախապես պատմվածքը բաժանվել էր երեք մասի: Ընթերցանության խմբակի անդամները առանձին- առանձին  կարդացին հատվածները և մասնակիցներին հանձնարարեցին կատարել նյութի վերաբերյալ պատրաստած հարցերի քննարկում: Առաջին հատվածի վերաբերյալ  աշակերտները ներկայացրին, թե գործողությունները որտեղ են կատարվում, ովքեր են պատմվածքի հերոսները և համառոտ պատմեցին  դիպաշարը` ներկայացնելով  կերպարների հոգեվիճակը և բացահայտելով նրանց ներաշխարհը:  Երկրորդ հատվածը  աշակերտները վերնագրեցին, կազմեցին այն հիմնական հարցերը, որոնց շուրջ ծավալվում էին  գործողությունները: Երրորդ խումբը,  պատասխանելով հանձնարարված հարցերին, 2-րդ և 3-րդ հատվածները կապեցին իրար, որին հաջորդեց բուռն քննարկումները տեքստի գաղափարական բովանդակության վերաբերյալ:  Աշակերտները քննարկեցին, թե ինչու է հեղինակը ընտրել << Օրն ավետյաց>> վերնագիրը, ինչ զգացումներ ապրեցին որբերը, երբ փոքրիկ Սողոմոնին ճանապարհում էին  Վաղարշապատ` Գևորգյան ճեմարանունմ սովորելու: Աշակերտները հատկապես ուշադրություն էին դարձնում այն մասերին, որոնց մեջ երևում էին հեղինակի սերն ու երախտիքը Սողոմոնի նկատմամբ` գնահատելով և արժևորելով մարդկային կամային որակները