Փետրվարի 19-ը ազգային մեծ բանաստեղծ Հովհաննես Թումանյանի ծննդյան օրն է: Փետրվարի 17-ին գրադարանում անցկացված հերթական բարձրաձայն ընթերցանության ժամը նվիրված էր այդ օրվան: Թեման Թումանյանի հեքիաթներն էին: Մասնակիցները 7-րդ դասարանի աշակերտներն էին:Ընթերցանությունը վարում էին 10-րդ դասարանի աշակերտներ Սոֆին, Էմման, Շաքեն: Կարդացին հատվածներ հեքիաթներից: Հետո երեխաները դիտեցին «Չախչախ թագավորը » տեսաֆիլմը: Մասնակիցները քննարկեցին նյութը և ֆիլմը և մեկ անգամ ևս վերհիշելով Թումանյանի ստեղծագործությունները՝ դասեր քաղեցին նրա հեքիաթներից: 
Քննարկումների ժամանակ աշակերտները ևս եկան այն համոզման, որ հեքիաթներն էլ ունեն իրենց«կյանքի պատմությունը». ի՞նչ պայմաններում են ծնվել, ի՞նչ առիթով կրկնվել, ո՞րն է նրանց կենսական, այժմեական նշանակությունը ու ազդեցությունը։ Թումանյանի այն կարծիքը, թե ազգային գրականությունը չի կարոդ գոյություն ունենալ և զարգանալ առանց ժողովրդական ստեղծագործության , աշակերտների համար դարձավ ընկալելի և հասկանալի հենց Թումանյանի հեքիաթների շնորհիվ:
Комментарии
Отправить комментарий