Տեղեկանք «Հայոց պատմություն» առարկայի 10 -12 -րդ դասարանների չափորոշչում և ծրագրում կատարված փոփոխությունների վերաբերյալ

Տեղեկանք

«Հայոց պատմություն» առարկայի 10 -12 -րդ դասարանների չափորոշչում և ծրագրում կատարված փոփոխությունների վերաբերյալ

            Առարկայի գործող չափորոշիչը և ծրագրերը հաստատվել են  2009 թվականին: Գործողության մեջ մտնելուց հետո ՀՀ ԿԳՆ ԿԱԻ-ի և նրա մասնաճյուղերի պատմության մասնագետների կողմից պարբերաբար իրականացվել են մշտադիտարկումներ Երևան քաղաքի և Հանրապետության մար­զերի մի շարք հանրակրթական դպրոցներում, կազմակերպվել են հանդիպումներ առարկան դասավանդող մասնագետների հետ: Մշտադիտարկումներից և հանդիպումներից հետո կազմակերպվել են քննարկումներ ու սեմինարներ ուսուցիչների հետ` պետական չափորոշչին և առարկայի ծրագրային պահանջներին գործող ծրագրի և դասագրքերի համապատասխանության, դրանք ուսուցման գործընթացում արդյունավետ կիրառելու կարողությունների ու հմտու­թյուն­ների շուրջ:

            Ուսումնասիրությունները ցույց տվեցին, որ, «Հայոց պատմություն» առարկայի չափորոշիչը և ծրագրերը, ունեն լրամշակման և բեռնաթափման կարիք: Բացի այդ անհրաժեշտություն կա խորացված ուսուցմամբ հոսքի չափորոշիչը առանձնացնել Ընդհանուր և բնագիտամաթեմատիկական հոսքերի չափորոշչից:

Չափորոշչում և ծրագրում կատարված փոփոխություններ

Չափորոշչային և ծրագրային փոփոխությունները կատարվել են թեմաների բեռնաթափման և կրճատման, թեմաների միավորման և խոշորացման, ձևակերպումների կոնկրետացման ու հստակեցման, անհարկի կրկնությունները վերացնելու, թեմաների ժամանակագրական և թեմատիկ խմբավորման սկզբունքներին համապատասխան:

Ա. Չափորոշիչ

            Ավագ դպրոցի համար կազմվել է երկու չափորոշիչ.

• Խորացված ուսուցմամբ հոսքի համար նախատեսված
• Ընդհանուր և բնագիտամաթեմատիկական հոսքերի համար նախատեսված

Ստորև ներկայացնում ենք չափորոշչում կատարված փոփոխությունները.

1)      Գործող չափորոշիչը հստակեցվել է ըստ բաժինների և ըստ թեմաների:

2)      Գործող չափորոշչում բազմաթիվ թեմաների վերաբերյալ չկային սովորողների պատրաստվածությանը ներկայացվող երկմակարդակ պահանջներ. լրամշակված տարբերակում երկմակարդակ պահանջներն ընդգրկում են առարկայի բովանդակային միջուկի բոլոր թեմաները:

3)      Հստակեցվել է գիտելիքների և կարողությունների խառնաշփոթը` երբ գիտելիքը ներկայացվել է որպես կարողություն, հմտություն, իսկ կարողությունն ու հմտությունը` գիտելիք:

4)      Ա մակարդակում տրված բարդ պահանջները պարզեցվել են, հեշտացվել կամ տեղափոխվել են Բ մակարդակ և ընդհակառակը, Բ մակարդակում տրված հեշտ պահանջները տեղափոխվել են Ա մակարդակ կամ վերաձևակերպվել են:

5)      Խմբագրվել ու վերաձևակերպվել են չափորոշչային մի շարք ձևակերպումներ:

Բ. Ծրագիր

            Ավագ դպրոցի համար կազմվել է երկու ծրագիր.

• Խորացված ուսուցմամբ հոսքի համար նախատեսված
• Ընդհանուր և բնագիտամաթեմատիկական հոսքերի համար նախատեսված

                                                 

Ծրագրային փոփոխությունները կատարվել են հետևյալ սկզբունքներով`

1)      բաժինների և թեմաների հստակեցում

2)      թեմաների բեռնաթափում և կրճատում,

3)      թեմաների միավորում և խոշորացում,

4)      ձևակերպումների հստակեցում և պարզեցում,

5)      անհարկի կրկնությունների վերացում,

6)      թեմաների ժամանակագրական և թեմատիկ խմբավորում,

Ստորև ներկայացնում ենք կատարված ծրագրային փոփոխություններն ըստ դասարանների.

Խորացված ուսուցման ծրագիր`

«Հայոց պատմություն» առարկայի բովանդակությունը ավագ դպրոցի խորացված ուսուցման ծրագրով ըստ դասարանների ժամանակագրական առումով բաշխվել է հետևյալ կերպ.

X դասարան – հայկական քաղաքակրթությունը սկզբնավորումից մինչև  վաղ   

                     միջնադարի ավարտը,

XI դասարան – հայկական քաղաքակրթությունը զարգացած միջնադարից

                            մինչև նոր շրջանի վերջը,

XII դասարան – հայկական քաղաքակրթությունը պատմության նորագույն

                             շրջանում:

Ուսումնական ծրագրով առարկայի դասավանդմանը հատկացվում է.

X դասարանում՝ տարեկան 102 ժամ,

XI դասարանում՝ տարեկան 170 ժամ,

XII դասարանում՝ տարեկան 272 ժամ, ընդամենը՝ X - XII դասարանների համար՝ 544 ժամ:

Ընդհանուր և բնագիտամաթեմատիկական հոսքերի ծրագիր`

«Հայոց պատմություն» առարկայի բովանդակությունը ավագ դպրոցի ընդհանուր և բնագիտամաթեմատիկական հոսքերում ըստ դասարանների ժամանակագրական առումով բաշխվել է հետևյալ կերպ.

X դասարան – հայկական քաղաքակրթությունը սկզբնավորումից մինչև

                     միջնադարի ավարտը,

XI դասարան – հայկական քաղաքակրթությունը նոր շրջանից մինչև 1922 թվականը

XII դասարան – հայկական քաղաքակրթությունը 1922 թվականից մինչև մեր օրերը:

Ուսումնական ծրագրով առարկայի դասավանդմանը հատկացվում է.

X դասարանում՝ տարեկան 68 ժամ,

XI դասարանում՝ տարեկան 68 ժամ,

XII դասարանում՝ տարեկան 68 ժամ, ընդամենը՝ X - XII դասարանների համար՝204 ժամ:

ՀՀ ԿԳՆ Կրթության ազգային ինստիտուտ

ՀԱՅՈՑ ՊԱՏՄՈՒԹՅՈՒՆ ԱՌԱՐԿԱՅԻ ԱՎԱԳ ԴՊՐՈՑԻ ԽՈՐԱՑՎԱԾ ՈՒՍՈՒՑՄԱՆ ԾՐԱԳԻՐ (X - XII դասարաններ) hayoc_patm_cragir_khoracvac.doc

ՀԱՅՈՑ ՊԱՏՄՈՒԹՅՈՒՆ ԱՌԱՐԿԱՅԻ ԱՎԱԳ ԴՊՐՈՑԻ ԽՈՐԱՑՎԱԾ ՈՒՍՈՒՑՄԱՆ ՉԱՓՈՐՈՇԻՉ (X - XII դասարաններ) hayoc_patm_chap_hum_27.06.doc

ՀԱՅՈՑ ՊԱՏՄՈՒԹՅՈՒՆ ԱՌԱՐԿԱՅԻ ԱՎԱԳ ԴՊՐՈՑԻ ԸՆԴՀԱՆՈՒՐ ԵՎ ԲՆԱԳԻՏԱՄԱԹԵՄԱՏԻԿԱԿԱՆ ՀՈՍՔԵՐԻ ԾՐԱԳԻՐ (X - XII դասարաններ)[/B] hayoc_patm_cragir_ynd.doc

ՀԱՅՈՑ ՊԱՏՄՈՒԹՅՈՒՆ ԱՌԱՐԿԱՅԻ ԱՎԱԳ ԴՊՐՈՑԻ ԸՆԴՀԱՆՈՒՐ ԵՎ ԲՆԱԳԻՏԱՄԱԹԵՄԱՏԻԿԱԿԱՆ ՀՈՍՔԵՐԻ ՉԱՓՈՐՈՇԻՉ (X - XII դասարաններ) hayoc_patm_cahp_yndh_bnagit.doc