Բանաստեղծություններ գրքի մասին

Գրքի պես լավ յար- աշխարհում չկա,
Վիշտն սփոփող ճար -աշխարհում չկա,

Գրքից խաղաղված ,անդորր  իմ հոգում,

Այլևս ցավ ու խավարում չկա...

ՄԱՇՎԱԾ ԳՐՔԵՐ

Մաշվա՜ծ գրքեր, մաշվա՜ծ գրքեր,

Գրքեր դեղնա՜ծ ու անշո՜ւք:

Որքա՜ն մտքեր, որքա՜ն կրքեր

Եվ ընկերնե՜ր ունեք դուք:

Ո՞վ իմանա՝ լուռ ու անքուն

Ո՞ւմ եք վառել, ո՛ւմ գերել,

Եվ քանիսի՛ սրտին, հոգուն

Վիշտ ու ժպիտ եք բերել:

Բարա՜կ, տանջվա՜ծ ձեր թերթերին

Ո՞վ է արցունքն իր թողել,

Ո՞վ է գրել ձեր էջերին

Երախտիքի ջերմ տողեր:

Գրքեր, երնե՜կ լինեմ ձեզ պես՝

Օգնե՛մ, հոգնե՛մ օր-օրին,

Միայն հոգուս գանձերն ամբողջ

Տամ բոլորի՜ն, բոլորի՜ն:

ԳՐԱԴԱՐԱՆՈՒՄ

Այս ինչքան շատ են
Գրքերը այստեղ.                                                                                                                                 Բոլորն էլ լավն են ,
Բոլորն էլ  շքեղ:
Իսկ ես չգիտեմ
Դեռ գրել- կարդալ.
Այսքան գրքերը
Երբ պիտի  կարդամ ...
-Մայրիկ ջան,մայրիկ,
Ինձ շուտ դպրոց տար,
Որ այս բոլորը հասցնեմ կարդամ:


ԵՍ ԱՅՍ ԳԻՐՔԸ ԼԱՎ ԿՊԱՀԵՄ

Երբ հայրիկը եկավ գործից,                                                                                                                   Հետը մի նոր գիրք բերեց
Ու թանաքով գրեց կազմին`
<<Նվեր փոքրիկ իմ Արամին>>:
 Բայց քույրիկիս օրօրոցում
 Լաց է լինում,գոռում,գոչում:
 Չեմ հասկանում ինչ է ուզում:
 Երևի այս գիրքն է ուզում:
 Իմ քույրիկ ջան մի լար այդպես,
 Այս գիրքը լավ կպահեմ ես:
 Թերթիկները չեմ պատռոտի,
 Նկարները չեմ կեղտոտի:
 Երբ մեծանաս դու էլ ինձ պես.
 Կտամ կարդաս ինչքան ուզես...