Այսօր հայ մեծանուն բանաստեղծ Հովհաննես Թումանյանի ծննդյան օրն է և գիրք նվիրելու օրը
Փետրվարի 19-ը հայ մեծանուն բանաստեղծ Հովհաննես Թումանյանի ծննդյան օրն է, և այդ օրը Հայաստանում նշվում է որպես գիրք նվիրելու օր:Մեզանից շատ-շատերը գրքի հետ ծանոթացել ու մտերմացել են հենց թումանյանական հեքիաթներով, մանկական բանաստեղծություններով, անմահ քառյակներով, պոեմներով...
Գիրք նվիրելու տոնը բազմախորհուրդ է. այն հիշեցնում է մեզ, որ պետք է ճանաչենք գրքի արժեքը, ընթերցենք ու եթե ոչ հաճախ, ապա տարվա մեջ գեթ մեկ օր մեկական գիրք նվիրենք մեր մտերիմներին, հարազատներին: Կարող ենք նվիրել մեր կարդացած ու չկարդացած, հին ու նոր գրքերը` դրանով մեկ անգամ ևս հիշեցնելով, որ գիրքը միտք է ու հոգի, որ այն մեզ նվիրում է վայելքի անմոռաց րոպեներ ու ժամեր: Գիրք նվիրելով` ինքներս մեզ և մեր շրջապատին նվիրում ենք հոգևոր հաղորդակցման հաճելի ու անմոռաց պահեր:
Նվիրեք միմյանց գրքեր ու արթուն պահեք ձեր մեջ ընթերցողին:
Այսօր 198 ավագ դպրոցի 10-4 դասարանի մի քանի աշակերտներ գրքեր նվիրեցին գրադարանին: Նրանք արժեվորելով գրքի դերը ՝ներկայացրին իրենց կարդացած գրքերը: Գրադարանը ամեն տարի այս օրը տարբեր մարդկանցից ստանում է նվեր գրքեր՝դրանցով հարստացնելով գրքային ֆոնդը:
Комментарии
Отправить комментарий