Մայրենի լեզվի միջազգային օր

Հաշվի առնելով անցած դարի կեսերին մայրենի լեզվի իրավունքների դեմ մի շարք ընդվզումները` 1999թ.-ին ՅՈՒՆԵՍԿՕ-ն փետրվարի 21-ը հռչակեց Մայրենի լեզվի միջազգային օր՝ ի նպաստ լեզուների իրավունքների ճանաչման և գործածության աջակցման։

Մայրենի՛ լեզու, մայրենի՛ բարբառ,
Ախորժ, ընտանի իմ հոգու համար․
Առաջին դու խոսք, ականջիս հասած,
Դու սիրո քաղցրիկ առաջին հոդված․
Մանկական լեզվիս թոթովանք տկար,
Հնչում ես իմ մեջ դու միշտ անդադար:

Լեզուն ազգաստեղծման և ազգապահպանման առաջնային հատկանիշներից է: Լեզուն որոշիչ դեր է խաղացել նաև ազգային պետությունների առաջացման գործում: Լեզուն         ազգի ,պետության քաղաքացիներին մեկ ամբողջության մեջ շաղկապող կարևոր միջոց է:Լեզվի միջոցով է ձևավորվում ու զարգանում տվյալ ազգին բնորոշ հոգևոր մշակույթը,այն նպաստում է ազգային նկարագրի պահպանմանը: Մայրենի լեզվի կարևոր գործառույթներից է ազգի ուսուցումն ու դաստիարակությունը: Նրա միջոցով  սերունդներին են փոխանցվում  ազգապահպանության այն ձևերն ու միջոցները,որ ստեղծել են նախորդ սերունդները և ամրագրել լեզվի մեջ: Նկատի ունենալով լեզվի ազգապահպան մեծ նշանակությունը, անհրաժեշտ է, որ այն անաղարտ մնա, հարազատ և մատչելի լինի ազգի բոլոր անդամների համար:

Մայրենի լեզուն մարդու հետ է միշտ: Լեզուն այն միջոցն է, որով գիտակցությունը մարմին է առնում, մտածմունքը` նյութականանում:                                               
                                                                                                                         Հր.Աճառյան
Հայերենը, իբրև Արարատյան լեզու,կոչվում է <<Աղոթքի լեզու>>.այն աստվածային ճոխ ու  աննման լեզու է:
                                                                                                                        Նիկողայոս Մառ

Հայ լեզուն է այն սարսափելի ուժը,որի ընդդեմ տկար են նաև միլիոնավոր բարբարոսների սվինները: Լեզուն է ազգությանց դրոշակը, լեզուն է նոցա որպիսության և վիճակի հայտարարը:                                                                           
                                                                                                                        Մ.Նալբանդյան
Մայենի լեզուն մարդու հետ է միշտ և նույնիսկ,երբ մարդ բոլորովին մենակ է:

                                                                                                                          Լևոն Շանթ

Ձեր հնամենի լեզուն ես չգիտեմ,բայց սիրում եմ այն:Դրա մեջ Արևելքն եմ զգում,դարերն եմ նշմարում այնտեղ,տեսնում եմ անցյալի խորհրդավոր նշույլի շողարձակումը:Ինձ համար խարծանք է հայերեն թարգմանվելը:
                                                                                                                           Վ. Հյուգո

Այո,մեր նախնիները մեզ և աշխարհին փոքր ժառանգություն չեն կտակել: Բայց մենք պիտի հասկանանք և հասկանալով չմոռանանք երբեք,որ մեր ժառանգության մեծագույն գանձը մեր լեզուն է :
                                                                                                                              Պ. Սևակ

Հայ ժողովրդի մշակութային ժառանգության գանձարանում ամենամեծ և թանկագին հրաշալիքը հայոց լեզուն է: Նա ծառայում է մեզ այսօր նույն հաջողությամբ, ինչպես ծառայում էր երկու հազար տարի սրանից առաջ...Ես լի եմ հավատով, որ հայոց լեզվի կիրառությունը գիտության մեջ դարեր անընդհատ կպսակվի նորանոր հաջողություններով:

                                                                                                                             Վ.Համբարձումյան

Հայոց լեզուն հարուստ լեզու է և արժե, որ մարդ չարչարվի այն սովորելու համար: Ես ջանք եմ թափում և կշարունակեմ այն ուսումնասիրել...
                                                                                                                             Ջ.Բայրոն


Հունարենը մեղմ է, հռոմեական լեզուն` հզոր, հոնարենը` ահաբեկող, ասորերենը` աղերսական, պարսկերենը` պերճ, ալաներենը` գեղեցկազարդ, գոթերենը` հեգնական, եգիպտերենը` տափակախոս ու խավարաձայն, հնդկերենը` ճռվողական, հայերենը` քաղցր, որը միաժամանակ կարող է մյուս բոլոր լեզուների հատկություններն ամփոփել իր մեջ:
                                                                                                                                             Եղիշե