Այցելություն Եռաբլուր

Թող  հավերժ ապրի մեր ժողովուրդը,
Հազար տարիներ ու հազար դարեր.
Ապրի,ինչքան շատ   ապրել է,տևել,..
Հազար տարիներ ու հազար դարեր.
Թող այնքան ապրի մեր ժողովուրդը,
Քանի ապրում է մեր հողագունդը:
                                               Գ. Էմին

   Մայիսի 14-ին դպրոցի աշակերտները այցելեցին  Եռաբլուր՝հարգանքի տուրք մատուցելու Արցախյան պատերազմում  զոհված հերոսների հիշատակին: 9-11 դասարանի աշակերտները  ծաղիկներ դրեցին մարտերում հերոսացած և  անմահացած  հայ զինվորների շիրիմներին: Ապրիլի 14-ին թշնամու գնդակից զոհվեց նաև մեր դպրոցի շրջանավարտ Մանվել Գևորգյանը: Մայիսի 14-ին  մանվելի ծննդյան օրն էր, նա կդառնար 19 տարեկան: Աշակերտները իրենց պարտքն համարեցին այդ օրը այցելել նրա շիրմին և ծաղիկներ դնել ու խոնարհվել նրա Հիշատակի առաջ՝խոստանալով երբեք չմոռանալ նրան: Հայը ծնկում է իր հողի առաջ և ոչ թե իր հողը գերողի առաջ:
 Աշակերտները Եռաբլուրի եկեղեցում մոմեր վառեցին և աղոթեցին  հայրենիքի պաշտպանների համար:
  Արցախյան պատերազմում մենք ունեցանք մեր հերոսները, որոնք անմահացան Եռաբլուրում:  Նրանք կատարեցին իրենց պարտքը հայրենիքի հանդեպ, նրանք հաղթեցին մահին...
  Մեր թափած արյունը պիտի սրբանա,մեր արյան գինը պիտի իմանանք,մենք պարտավոր ենք՝զոհվածներն են հրամայում, երախտիքով, որդիաբար գլուխ խոնարհել Հիշատակի առաջ,  պարտավոր  ենք այնպես  ապրել, որ մահին հաղթած     ոչ մի զինվոր չմոռացվի, պիտի արժևորենք նրանց սխրանքը, որպեսզի հավատարիմ մնանք նրանց ոգուն, մարտունակությանը: