Այցելություն Խաչատուր Աբովյանի տուն-թանգարան

Մարտի 17-ին դպրոցի 10-2 դասարանի աշակերտները  ուսուցիչներ Ն. Գալստյանի, Կ.
Մխիթարյանի և դասղեկ Ն. Հովսեփյանի հետ այցելեցին Խ. Աբովյանի տուն- թանգարան:  Աշակերտները ուսումնասիրել էին Աբովյանի  կյանքը և ստեղեղծագործությունները: Նրանք կարդացել էին <<Վերք Հայաստանի>> վեպը: Այցելությունը  նպատակ ուներ հարստացնել աշակերտների գիտելիքները հայ մեծ գրող և լուսավորիչ խաչատուր Աբովյանի մասին: Թանգարանի աշխատակիցը մանրամասը ներկայացրեց գրողի ծննդից մինչև անհետացման առեղծվածը, որի մասին հյուսվում են տարբեր վարկածներ,սակայն մինչև այսօր էլ այն մնում է չբացահայտված:
               

ԵՂԲԱՅՐՆԵՐ ԵԿԵՔ ՇԻՐԻՄ ՉՈՐՈՆԵՆՔ                                                                                      
ՉԽՈՐՀԵՆՔ,ԹԵ ԻՆՉՆ ԻՆՉՊԵՍ ԵՂԱՎ         
ԶԱՆԳՈՒՆ Է ՆՐԱՆ ՆԵՏԵԼ ՉԱՐԱՂԵՏ,                                                                
ԹԵ ՄԱՍԻՍ ԼԵՌԱՆ ԼԱՆՋԻՆ Է ՄԵՌԵԼ,                                                                                       

ԶՈՀՎԵԼ Է ԴԱՎԻ ԱՐՆՈՏ ԴԱՆԱԿԻՑ,                                                                                         
ԹԵ ՍԵՎ ԿԱՌԵՏՈՎ ՍԻԲԻՐ ԳՆԱՑԵԼ; 
ԻՆՉՈՒ ԶՈՒՐ ԿԱՌՉԵՆՔ ՄԱՀՎԱՆ ՃԱՄՓԵՔԻՑ,
ԵՐԲ ԱԲՈՎՅԱՆԸ...  ՈՂՋ Է ՄՆԱՑԵԼ:                                                                                                                                                                  Գ. ԷՄԻՆ
                                                                                                                                                             Աշակերտները եղան նաև Աբովյանի հողե տնակում,որը խնամքով պահպանված էր:Այդ տանն էր ծնվել և մեծացել մեր մեծանուն գրող Խաչատուր Աբովյանը:Այնտեղ պահպանված էին նրա անձնական իրերը,ինչպես նաև նրանց ընտանիքի կողմից օգտագործվող գործիքները և կահ-կարասին: Աբովյանի տան մուտքն այնպես էր կառուցված,որ ներս մտնելիս աշակերտները  ակամա խոնարվում էին հայ մեծանուն զավակի առջև: