Հաղթանակ ՝հանուն խաղաղության

Մայիսի 3-ին գրադարանի  Բարձրաձայն ընթերցանության խմբակի անդամների  հետ անցկացվեց  բարձրաձայն ընթերցանություն   Գ. Մարտիկյանի <<Ապրելու բանաձև>> 10-րդ գրքից ապրիլյան պատերազմի հերոս-նահատակ Մանվել Գևորգյանին նվիրված

հատվածը: Ընթերցանությանը մասնակցում էր Մանվել Գևորգյանի քույրը՝ Սոնան: Նա պատմեց հիշողություններ եղբոր մանկությունից: Մանվել գևորգյանը ծնվել է 1997թ-ին: Եղել է արագաշարժ, ճարպիկ և աշխույժ երեխա: Սովորել է 198 հեղինակային դպրոցում, որտեղ աչքի է ընկել գերազանց առաջադիմությամբ: 2005թ. պարապել է կարատե, մասնակցել մրցույթների և նվաճել մեդալներ, պատվոգրեր և հուշանվերներ:
2014թ. Ընդունվել է Ֆիզկուլտուրայի պետական համալսարանի  ԱՖԿ բաժինը: 2016թ. ապրիլի 2-ին դիրքերում էր: Ծնողները գիտեին, որ թշնամին լայնածավալ հարձակում է սկսել սահմանում, բայց Մանվելը նրանց հանգստացնելու համար ասում էր. << Ամեն ինչ լավ է,ոնց որ հանգստյան տանը լինեմ>>:
 Թշնամու բազմաքանակ հատուկ ջոկատները դիվերսիոն  հարձակում էին սկսել, և նա
մեն-մենակ պայքարում էր նրանց դեմ: Հետո ընկերները նրան գտան զոհված՝ ինքնաձիքը պինդ գրկած:
  Այսպես հերոսացավ ապրիլյան քառօրյա պատերազմի հայ զինվորը, որի անունն ու
սխրանքի պատմությունը հիշատակվելու է որպես հայորդի, որը   ջարդեց թշնամուն ու ձախողեց  վարձկանների՝ տարիներ շարունակ  մշակած և 2016թ. ապրիլի սկզբին  ձեռնարկած լայնածավալ ու սրընթաց հարձակումը:
   Այսօրինակ հերոսներով է առայսօր կանգուն մեր հայրենիքն ու այն կոչվում է Հայաստան աշխարհ: