Փետրվարի 21-ը ՅՈՒՆԵՍԿՕ-ի կողմից ճանաչվել է Մայրենիի միջազգային օր: Հայոց լեզվի և գրականության մեթոդմիավորումը Մայրենիի օրվա առթիվ կազմակերպել էր միջոցառում: Մեթոդ միավորման նախագահ Ն. Գալստյանը կարդաց ասույթներ մայրենի լեզվի մասին և նշեց, որ մայրենի լեզուն մեր ժողովրդի համար ազգապահպան նշանակություն ունի, ինչպես հավատը, մշակույթն ու ընտանիքը:
Մայրենիի մասին խոսեց նաև դպրոցի տնօրեն պարոն Ա. Թորոսյանը: Նա ներկայացրեց մեր մայրենի լեզվի մեծ նշանակությունը հայ մշակույթի զարգացման և պահպանման գործում: Դպրոցի 10-րդ և 11-րդ դասարանի աշակերտները պատրաստել էին սալիկաշարեր մայրենիի մասին: Նրանք ներկայացրին Պ. Սևակի, Ջ. Բայրոնի,Մ. Նալբանդյանի, Խ. Աբովյանի մտքերն ու ասույթները լեզվի մասին: Առանձին ցուցադրվեցին Մատենադարանի ձեռագրերի, Հայոց եկեղեցու, քարտեզագրության և Մխիթարյանների միաբանության մասին պատմող սալիկաշարերը:Միջոցառումն ավարտվեց Հովհաննես Թումանյանի <<Թմկաբերդի առումը>> պոեմի արտասանությամբ, որը նվիրված էր ազգային մեծ բանաստեղծի 150 ամյակին:
***
Գործն է անմահ, լավ իմացեք,
Որ խոսվում է դարեդար,
Երնեկ նրան, որ իր գործով
Կապրի անվերջ, անդադար:
Հովհ.Թումանյան
Комментарии
Отправить комментарий