Վարդավառի տոնի արմատները հարում են դեռևս նախաքրիստոնեական շրջանին: Ի սկզբանե, տոնը նվիրված էր ջրի, սիրո, պտղաբերության ու գեղեցկության աստվածուհի Աստղիկին, ում խորհրդանիշը համարվում է վարդը:Ջրի տոնը՝ Վարդավառը, կապված է հենց այս անվան հետ: Ավելի ուշ, քրիստոնեության ընդունումից հետո, տոնը խորհրդանշում էր Քրիստոսի Պայծառակերպությունը, իսկ միմյանց վրա ջուր լցնելը խորհրդանշում էր մեղքերից մաքրվելը:Վարդավառի տոնը նշվում է Զատիկին հաջորդող 14-րդ կիրակի օրը, որպես կանոն, տեղի է ունենում հուլիսին, այսինքն, ամռան ամենաշոգ օրերին: 2019 թվականին ջրի տոնը տեղի է ունենում հուլիսի 28-ին: Վարդավառը Հայաստանում նշվում է ամենուր և՛ խոշոր քաղաքներում, և՛ մարզերում, և՛ գյուղերում: Իհարկե, Վարդավառը ավելի ակտիվ նշվում է մայրաքաղաք Երևանում:
Վարդավառի հիմնական ավանդույթները Հայաստանի բոլոր մարզերում նույն կերպով են անցկացվում: Առավոտյան բոլոր եկեղեցիներում անցկացվում է պատարագ, նվիրված Քրիստոսի պայծառակերպությանը, ջրի օծում և մրգերի օրհնություն:Որոշ մարզերում ընդունված է աղավնիներ բաց թողնել, որը խորհրդանշում է ջրի տոնի մեկ այլ կողմը `համաշխարհային ջրհեղեղի վերջը: Վարդավառի տոնին Երևանում և մարզերում կազմակերպվում են թատերական ներկայացումներ, որոնք ներկայացնում են ազգային խաղերը, երգերը, պարերը:
Վարդավառը մեր բակում
Թող այս սուրբ օրով Աստված օրհնի մեր ազգին և խաղաղություն, ուժ ու միասնություն պարգևի, իսկ սուրբ ջուրը թող մաքրի բոլոր մեղքերը:
Комментарии
Отправить комментарий