Բաց դաս հայոց լեզվից

10-Ա դասարանում անցկացվեց բաց դաս հայոց լեզու առարկայից: Դասը վարում էր հայոց լեզվի և գրականության ուսուցչուհի Լիլիթ Աբաջյանը:
               
     Դասի թեման- Կրկնակ  բաղաձայնների  ուղղագրությունը

  Աշակերտներին ողջունելուց հետո՝ ուսուցչուհին իր պատրաստած սալիկաշարի օգնությամբ ներկայացրեց կրկնակ բաղաձայնների ուղղագրության հիմնական դեպքերը:  Խմբերի բաժանված աշակերտները օրինակներ էին բերում և հիմնավորում, թե նշված օրինակները գրության որ դեպքին է բնորոշ և ինչու: Խմբերին բաժանվեց առաջադրանքներ և ժամանակ տրվեց, հետո խմբի ավագները մնացին, իսկ  մյուս անդամները շրջում էին մյուս խմբերում, ծանոթանում նրանց առաջադրանքներին և տեղի էր ունենում քննարկում: Վերջում խմբերը հավաքվում են նույն կազմով և նրանցից մեկը ներկայացնում է խմբի տեսակետը: Հանձնարարվեց նաև տնային աշխատանք կրկնակ բաղաձայնների ուղղագրության վերաբերյալ: Աշակերտները կատարեցին նաև քարտային աշխատանք:
   Դասի նպատակն էր ակտիվացնել, կողմնորոշել, քննարկել և ամրապնդել դասը ընդհատված դասախոսության, մտագրոհ և world cafe մեթոդներով: Աշակերտները դասին   ձեռք են բերում, գնահատում, ներկայացնում տեղեկություն, փոխանակում և օգտագործում ինքնուրույն սովորելու համար:

Դասաժամի կարևոր կոմպետենցիաները՝

Սովորելու կոմպետենցիա՝

Աշակերտներն լսում են կրկնակ բաղաձայնների ուղղագրության հիմնական դեպքերը և կարողանում են հիմնավորել, թե նշված օրինակը գրության ո՞ր դեպքին է բնորոշ, ինչո՞ւ: Այնուհետև խմբերին բաժանվում են տարբեր բարդության առաջադրանքներ, տրվում է ժամանակ, այնուհետև խմբի  ավագ անդամները մնում են, իսկ աշակերտները շրջում են մյուս խմբերում, ծանոթանում նրանց առաջադրանքներին, տեղի է ունենում քննարկում: Վերջում խմբերը հավաքվում են և մեկը ներկայացնում է խմբի տեսակետը:

Աշակերտները տարբեր բարդության առաջադրանքներում ձեռք են բերում, գնահատում, ներկայացնում են տեղեկություններ, փոխանակում են և օգտագործում են ինքնուրույն սովորելու համար: 

Լեզվական կոմպետենցիա՝

Դասժամի ընթացքում աշակերտները բացահայտում և ստեղծում են տարատեսակ տեքստեր, նաև մասնագիտական տեքստեր: Նրանք համարժեքորեն օգտագործում են տվյալ մասնագիտական և խոսակցական լեզուն՝ գիտակցաբար սահմանազատելով դրանք: Դասաժամի ավարտին աշակերտները պետք է հաշվի առնեն մայրենի լեզվի գեղագիտությունը և կարողանան գրագետ արտահայտվել թեմայի շուրջ, լիարժեք պատասխանել հնչող հարցերին:

Սոցիալական կոմպետենցիա՝

Աշակերտները սոցիալական հարաբերություններում իրենց դրսևորում են կառուցողական, համերաշխ և հանդուրժողական և մյուսներին վերաբերվում են ըմբռնումով և ապրումակցումով:Այս հիմքի վրա նրանք մյուսների հետ արդյունավետ համագործակցում են, հարգանքով են վերաբերվում միմյանց: