10-Ա դասարանի ֆիզիկայի հոսքի աշակերտների հետ անցկացվեց բաց դաս:Թեման- Ուժ: Համազոր ուժ
Դասը վարում էր ֆիզիկայի ուսուցչուհի Լյուսյա Թորոսյանը:
Խթանման փուլում ուսուցչուհին կատարեց փորձ՝ նետելով գնդակը և դեֆորմացնելով մարմինը: Հետո հարցեր ուղղեց աշակերտներին, թե ինչ կատարվեց գնդակի հետ, ինչ փոփոխություն կրեց մարմինը և ինչու: Պատասխանները ամփոփելուց հետո գրատախտակին գրեց դասի թեման: Առաջնորդելով, ակտիվացնելով և կողմնորոշելով ուսուցչուհին աշակերտներին ուղղորդեց դեպի դասի նպատակը:
Իմաստի ընկալման փուլում փոխներգործուն գրառումների համակարգի /ՓԳՀ/ մեթոդական հնարի օգնությամբ կատարվեց նյութի յուրացում՝ խմբային աշխատանքի միջոցով: Պատահականության սկզբունքով աշակերտները բաժանվեցին երկու խմբի, յուրաքանչյուր խմբի համար ընտրվեց ավագ, հետո ուսուցչուհին խմբերին բաժանեց նյութի հատվածները: Տրվեց ժամանակ նյութը ուսումնասիրելու համար: Խմբի ավագը լրացնում էր ՓԳՀ-ի աղյուսակը: Հետո խմբի անդամները կատարեցին տեղափոխություն՝ ուսումնասիրելու երկրորդ հատվածը և ամբողջացնելու աղյուսակը:
Յուրաքանչյուր խմբի ավագը ներկայացրեց նյութը:Ամրապնդման փուլը կատարվեց խաղ- վիկտորինայի միջոցով: Համակարգչային խաղի միջոցով աշակերտները պատասխանում էին հարցերին: Հաղթող խումբը խրախուսվեց ուսուցչի կողմից:
Կշռադատման փուլում բաժանվեց չափորոշչային հարցեր, որոնց աշակերտները պատասխանում էին անհատական:
Հանձնարարվեց տնային աշխատանք՝ պատրաստել սալիկաշար թեմայի վերաբերյալ:
Այս դասի ընթացքում աշակերտների մոտ զարգացվեց հետևյալ կոմպետենցիաները՝
լեզվական, սովորելու, մեդիա, սոցիալական, մաթեմատիկական, բնագիտա-տեխնիկական:
Комментарии
Отправить комментарий