Բանաստեղծություններ աշնան մասին

Համո Սահյան    --

ԱՇՈՒՆ

Աշնան օրերն են հասել,                   

Իջել է ամպը սարին,                           

Եվ հրաժեշտ է ասել                             

Կռունկը մեր աշխարհին:                 

Քամին շատ է թափառել,                                          Պարապ-սարապ, թևը կախ                                       Բայց արդեն գործ է ճարել,  

Տեսեք ինչքան է ուախ:  

  Տեսեք, ինչպես է խաղում   

  Տերևների  հոգու հետ,    

  Նրանց վրա ծիծաղում

  Քշում առաջ, բերում ետ:

Ոսկե ծովում այդ դեղին

Աշնան հերկերն են ծլում

Եվ ամպերից արևի

Վերջին շողերն են խլում:

Վահան Տերյան--Աշնան երգ

Ցրտահար,հողմավար,

Դողացին մեղմաբար

Տերևները դեղին,

Պատեցին իմ ուղին...

Ճաճանչները թոշնան...

Կանաչներըս աշնան-

ԻՄ խոհերը մոլար՝

Ցրտահար, հողմավար...

Կրակներս անցան,

Ցուրտ ու մեգ է միայն...

Անուրջներս երկնածին

Գնացին, գնացին...